Kolona kilometrike në Jarinjë/ Autobusët me serbë nga Graçanica mbërritën në Merdar, interes i madh për të votuar

Në pikëkalimin kufitar mes Kosovës dhe Serbisë në Jarinjë ka pasur një vonesë rreth orës 09:00 për shkak të numrit të madh të autobusëve të organizuar nga pushteti lokal për serbët e Kosovës që votojnë në Serbi.

Sipas KosovaPress, kolona disa-kilometërshe e automjeteve është reduktuar rreth orës 10:00. Ndërkohë, u raportua se 8 autobusë me votues serbë të nisur nga Graçanica kanë mbërritur në Merdar, ku policia kryen kontrollin dhe regjistrimin e rregullt të udhëtarëve.